قرية تونس- الفيوم
من وأنا صغيرة اسم الفيوم بيرن في ودني ...وعرفت لما كبرت إن أبويا من مواليد الفيوم وإنه كان يحب يروح هناك كتير وإنه عنده حتة أرض هناك هيدهاني لما أكبر (ضحكوا علية وبعتها بتمن بخس واشتريت مكانها
😰😰😰😰😰 بتجاز!!)...المهم بعد ما بعتها اكتشفت الفيوم في قرية تونس...
القرية دي تكاد أن تسمى قرية إڤيلين ودي الست السويسرية اللي كانت متجوزة الشاعر سيد حجاب وطلعت من الجوازة ببيت صغير هناك وقررت أن تتمدد وتشتري كل البيوت اللي قدامها ووراها وبدأت تنشر فن صنعة الفخار الحديث (مش البلدي بتاع القلة والزير) وتلوينه بين أهالي القرية كلهم لحد ما قامت القرية سياحيا وبقت أرضها من أغلى الأراضي بسبب إڤيلين!
وإڤيلين ست لطيفة من القطاع الفرنسي بسويسرا دايما تناقشني في موضوع الحجاب لأنها شايفاه مش عاجبها وأنا دايما بغلس عليها بس بننهي الحوار بضحكة ...إلا بقى لو الحوار على محاولة لتخفيض سعر منتج من منتجات مدرسة الفخار الخاصة بيها..هنا بقى تتزرزر ونخاصم بعض كام شهر!!
تونس مليانة فنانين تشكيليين زي محمد عبلة اللي عامل متحف وبيت تحفة هناك وناس أغنيا تانية كتير غير الفنانين انضموا لحياة القرية لكن بطريقتهم الخاصة يعني نقلا بڤلل وقصور وحاجات من دي (انضمام انضمام يعني مش أي كلام).
في تونس ممكن نركب حصان ونقعد على البيسين ونتعلم فخار (ونمسح ايدينا بالوايبس بعد كدة) ونعيش فافي لكن أنا بحب أروح عند أم كريم أشوفها جابت كام بطة وتضحك علية وتدبح لي الصغيرة فيهم عشان هي عايزة الكبيرة...وبحب أخد منها ملح الجبل اللي بتطحنه مع التوابل العطرة من الكمون والشطة ويبقى أحلى ملح ... وأحب أخد منها الكزبرة الناشفة وهي لسة لماها من الغيط وريحتها تبقى مفحفحة كدة..بحب كمان أدور على البيوت ألم البيض (ودي كلمة لا يصح قولها في الفيوم وتعتبر عيب ويستعيضوا عنها بكلمة تانية مش فاكرها إنما هي شبه الدح)....بحب كمان فراخ أم عمرو البسبس وومان الفيومية اللي بتتباهى إنها وقفت قدام الراجل الفلاني وحلفت بالطلاق!!!!
في تونس بحب ألف نفس اللفة كل مرة على كل مدارس الفخار عشان أشتري أطباق كانوا زمان بيستخدموها للزينة لحد ما في يوم قلت لإڤيلين اعملي لي طباق للأكل (ودة من سنين كتير) ومن ساعتها كل المدارس بقت تعمل طباق للأكل بس شكلها تحفة وأكواب الشاي ذات الأوان اللبنية والزهرية...
وإڤيلين ست جدعة بتقف جنب أهالي القرية في محنهم وتروح الأقسام لو طلبت ومرة عزمتني أعوم عندها في البيسين (ودي قمة الجدعنة
😉)
في تونس لازم تقابل مصطفى لأنه ببساطة "نبيل القرية" ...مصطفى صاحب أحلى بيچو بييجي ياخدنا من القاهرة ويودينا تونس ويرجعنا كمان، ومصطفى مواعيده زي السيف وطريقته بتحسسني إنه جاي من زمن تاني كان فيه أكيد "لورد"!
مش عايزة بقى أجَري ريقكم وأكلمكم عن الكحك البلدي في العيد المختلف تماماً عن كحكنا ولا أقول لكم على طبيخ أم عبد الله وصوانيها اللي بتفضل حلاوته في بقنا من الزيارة للزيارة لكن هقولكم على أنواع البط التلاتة المنتشرة في الفيوم...ودة في الحلقة الجاية اللي عنوانها "التلات بطات"...لو حد يحب يشارك بالتخمين يالا الميكروفون معاك😉
البط طلع أنواع يا جدعان! أنا كنت كل ما اروح الفيوم اجيب بط رخيص كدة ولحمه بيستوي بسرعة والموضوع دة كان مكيفني أوي لحد ما عرفت إنه بط أبيض بكين
😩! وقتها قلت لأ، أنا بت بلدي وماكلش غير البلدي وهنا بقى وقعت فريسة لميزانية أكبر عشان أبقى قال ايه باكل بط بلدي....بس فيه بطة مدملكة كدة عدت يوم قصادي حيرتني، لا هي بيضا ولا هي بلدي وسعرها طالع في العلالي...كانت المجرمة بطة مسكوفي!
أوسم راجل في القرية اسمه علاء...وهو جوز أم عبد الله صاحبتي على فكرة، وعلاء دايما ياخدني نلف نفس اللفة على مدارس الفخار اللي بتشمل مدرسة راوية (وراوية دي كانت بنت غلبانة أبوها حدف عليها ميّة سخنة حرقت جزء من وشها وجسمها بس إڤيلين اتبنتها وعلمتها تعمل فخار وراوية اتفرنجت وبقت تعمل حواجبها وشعرها وتحط مانيكير وطلعت معارض في إيطاليا وغيرها واتجوزت وخلفت وكملت بقية حياتها كفنانة فنانة يعني) ومدرسة إبراهيم تلميذ إڤيلين برضه وغيرهم كتير لحد ما نوصل مدرسة إڤيلين نتخانق معاها عشان الأسعار ونقوم معاودين
😃.
علاء طبعا بيجيب لي العسل اللي فيه حاجات بتعوم على وشه من منحل واحد صاحبه أقوله دي زبالة يقول لا دة الإكسترا بتاع العسل، يا عم دي دبانة ميتة، يقول لي بس مسكرة!
علاء مؤخرا بقى يشرب اسبريسو، الفنان الكبير والمصور العالمي صاحب أحلى بيت في تونس خالد الدش أهداه كنكة الاسبريسو ومحدش يقدر يكلمه دلوقت ...طب اعزم بكباية يا عم علاء؟
لما بروح تونس لازم ألف على بيوت الفلاحين ألم بيض وزي ما قلت قبل كدة كلمة بيض دي عيب ومايصحش ولازم نستعوضها بكلمة "دحي" يا إما ستات القرية ينكتوا معايا بكلام خارج ما بفهمهوش ويفضلوا يضحكوا وأنا أبقى عاملة كدة
😕!!!
العبرة...عارف الناس اللي بيبقوا قاعدين على الطريق للفيوم يبيعوا سمك وبط دول؟! وحشين ماتجيبش منهم😃.#بنت_بطوطة
من وأنا صغيرة اسم الفيوم بيرن في ودني ...وعرفت لما كبرت إن أبويا من مواليد الفيوم وإنه كان يحب يروح هناك كتير وإنه عنده حتة أرض هناك هيدهاني لما أكبر (ضحكوا علية وبعتها بتمن بخس واشتريت مكانها
😰😰😰😰😰 بتجاز!!)...المهم بعد ما بعتها اكتشفت الفيوم في قرية تونس...القرية دي تكاد أن تسمى قرية إڤيلين ودي الست السويسرية اللي كانت متجوزة الشاعر سيد حجاب وطلعت من الجوازة ببيت صغير هناك وقررت أن تتمدد وتشتري كل البيوت اللي قدامها ووراها وبدأت تنشر فن صنعة الفخار الحديث (مش البلدي بتاع القلة والزير) وتلوينه بين أهالي القرية كلهم لحد ما قامت القرية سياحيا وبقت أرضها من أغلى الأراضي بسبب إڤيلين!
وإڤيلين ست لطيفة من القطاع الفرنسي بسويسرا دايما تناقشني في موضوع الحجاب لأنها شايفاه مش عاجبها وأنا دايما بغلس عليها بس بننهي الحوار بضحكة ...إلا بقى لو الحوار على محاولة لتخفيض سعر منتج من منتجات مدرسة الفخار الخاصة بيها..هنا بقى تتزرزر ونخاصم بعض كام شهر!!
تونس مليانة فنانين تشكيليين زي محمد عبلة اللي عامل متحف وبيت تحفة هناك وناس أغنيا تانية كتير غير الفنانين انضموا لحياة القرية لكن بطريقتهم الخاصة يعني نقلا بڤلل وقصور وحاجات من دي (انضمام انضمام يعني مش أي كلام).
في تونس ممكن نركب حصان ونقعد على البيسين ونتعلم فخار (ونمسح ايدينا بالوايبس بعد كدة) ونعيش فافي لكن أنا بحب أروح عند أم كريم أشوفها جابت كام بطة وتضحك علية وتدبح لي الصغيرة فيهم عشان هي عايزة الكبيرة...وبحب أخد منها ملح الجبل اللي بتطحنه مع التوابل العطرة من الكمون والشطة ويبقى أحلى ملح ... وأحب أخد منها الكزبرة الناشفة وهي لسة لماها من الغيط وريحتها تبقى مفحفحة كدة..بحب كمان أدور على البيوت ألم البيض (ودي كلمة لا يصح قولها في الفيوم وتعتبر عيب ويستعيضوا عنها بكلمة تانية مش فاكرها إنما هي شبه الدح)....بحب كمان فراخ أم عمرو البسبس وومان الفيومية اللي بتتباهى إنها وقفت قدام الراجل الفلاني وحلفت بالطلاق!!!!
في تونس بحب ألف نفس اللفة كل مرة على كل مدارس الفخار عشان أشتري أطباق كانوا زمان بيستخدموها للزينة لحد ما في يوم قلت لإڤيلين اعملي لي طباق للأكل (ودة من سنين كتير) ومن ساعتها كل المدارس بقت تعمل طباق للأكل بس شكلها تحفة وأكواب الشاي ذات الأوان اللبنية والزهرية...
وإڤيلين ست جدعة بتقف جنب أهالي القرية في محنهم وتروح الأقسام لو طلبت ومرة عزمتني أعوم عندها في البيسين (ودي قمة الجدعنة
😉)في تونس لازم تقابل مصطفى لأنه ببساطة "نبيل القرية" ...مصطفى صاحب أحلى بيچو بييجي ياخدنا من القاهرة ويودينا تونس ويرجعنا كمان، ومصطفى مواعيده زي السيف وطريقته بتحسسني إنه جاي من زمن تاني كان فيه أكيد "لورد"!
مش عايزة بقى أجَري ريقكم وأكلمكم عن الكحك البلدي في العيد المختلف تماماً عن كحكنا ولا أقول لكم على طبيخ أم عبد الله وصوانيها اللي بتفضل حلاوته في بقنا من الزيارة للزيارة لكن هقولكم على أنواع البط التلاتة المنتشرة في الفيوم...ودة في الحلقة الجاية اللي عنوانها "التلات بطات"...لو حد يحب يشارك بالتخمين يالا الميكروفون معاك
😉البط طلع أنواع يا جدعان! أنا كنت كل ما اروح الفيوم اجيب بط رخيص كدة ولحمه بيستوي بسرعة والموضوع دة كان مكيفني أوي لحد ما عرفت إنه بط أبيض بكين
😩! وقتها قلت لأ، أنا بت بلدي وماكلش غير البلدي وهنا بقى وقعت فريسة لميزانية أكبر عشان أبقى قال ايه باكل بط بلدي....بس فيه بطة مدملكة كدة عدت يوم قصادي حيرتني، لا هي بيضا ولا هي بلدي وسعرها طالع في العلالي...كانت المجرمة بطة مسكوفي!أوسم راجل في القرية اسمه علاء...وهو جوز أم عبد الله صاحبتي على فكرة، وعلاء دايما ياخدني نلف نفس اللفة على مدارس الفخار اللي بتشمل مدرسة راوية (وراوية دي كانت بنت غلبانة أبوها حدف عليها ميّة سخنة حرقت جزء من وشها وجسمها بس إڤيلين اتبنتها وعلمتها تعمل فخار وراوية اتفرنجت وبقت تعمل حواجبها وشعرها وتحط مانيكير وطلعت معارض في إيطاليا وغيرها واتجوزت وخلفت وكملت بقية حياتها كفنانة فنانة يعني) ومدرسة إبراهيم تلميذ إڤيلين برضه وغيرهم كتير لحد ما نوصل مدرسة إڤيلين نتخانق معاها عشان الأسعار ونقوم معاودين
😃.علاء طبعا بيجيب لي العسل اللي فيه حاجات بتعوم على وشه من منحل واحد صاحبه أقوله دي زبالة يقول لا دة الإكسترا بتاع العسل، يا عم دي دبانة ميتة، يقول لي بس مسكرة!
علاء مؤخرا بقى يشرب اسبريسو، الفنان الكبير والمصور العالمي صاحب أحلى بيت في تونس خالد الدش أهداه كنكة الاسبريسو ومحدش يقدر يكلمه دلوقت ...طب اعزم بكباية يا عم علاء؟
لما بروح تونس لازم ألف على بيوت الفلاحين ألم بيض وزي ما قلت قبل كدة كلمة بيض دي عيب ومايصحش ولازم نستعوضها بكلمة "دحي" يا إما ستات القرية ينكتوا معايا بكلام خارج ما بفهمهوش ويفضلوا يضحكوا وأنا أبقى عاملة كدة
😕!!!العبرة...عارف الناس اللي بيبقوا قاعدين على الطريق للفيوم يبيعوا سمك وبط دول؟! وحشين ماتجيبش منهم
😃.#بنت_بطوطة
ليست هناك تعليقات:
إرسال تعليق