والله وجه الوقت يا بطوطة
ودخلنا الأقسام والمحاكم وبقينا شبه سنية جنح (بضم الجيم...مهم جدا...آه)….
أسلوب التعاملات القانونية في بلاد العم سام بصراحة عجيبة....يعني مفيش أقسام بتعمل محاضر وكلام كدة...اللي يغلط يروح على المحكمة عدل....طول النهار من صباحه لمساه الناس بترفع كافة أشكال الدعاوي القضائية...ولأني بتردد كثيرا على نوعين بس من المحاكم هنا مش هقدر أتكلم غير عنهم....
محكمة الجنح....دي بتتعامل مع نماذج عجيبة من البشر بيعملوا حاجات طول النهار بتحصل في بلدنا الحبيب من غير محاكم ولا دياولو زي التهديدات...العنف الأسري....كسر إشارات المرور...حاجات كدة.....ييجي الشاب من دول يقف ع اليمين قدام القاضي والشابة على الشمال...ووراهم قاعة مكتظة بجمهور غفير كلهم سايبين حالهم ومالهم ومتابعين القصة عن كثب كأنها مسرحية شيقة....القاضي تبص للست أولا...عايزة إيه...عادة الست بتطلب عدم التعرض من الراجل لأنه سبق واستخدم العنف معاها من قبل...والراجل عادة بيرفض الطلب دة ويقعد يقول في تبريرات كتير مش عشان هو مقرر يأذيها فعلا بس عشان الحكم دة بيكون نقطة سودا في تاريخه تتسبب إنه ماحدش يشغله أو يأجر له سكن وهلم جرا...المهم عدى قدامي كام فيلم كدة قلت أشارككم بيه:
-الراجل دة جه البيت عندي الساعة 12 بالليل وخبط على الباب واستخبى وخوفني...ولولا إن كان عندي أصحابي كان ممكن ضربني زي ما كان بيضربني من قبل...أنا عايزة آخد عليه حكم بعدم التعرض لمدة سنة.
- دي هي اللي كانت دايما بتهددني إنها تنتحر لو مارجعتش ليها ومعايا رسايل كانت باعتاها من موبيلها لي..."بكرة هتسمع خبر إني خلاص ماعنتش موجودة في الحياه وأولادي عمرهم ما هيسامحوك...كفاية كل الألم اللي سببتهولي الخ الخ" أنا دلوقت متجوز وعمري ما هبص لها....
القاضي: عدم تعرض لمدة سنة عشان خلال علاقتكم حصل وإنك مديت إيدك عليها...آه وبقولك باين عندي إن عليك حكم من فترة كدة...حطوا الكلابشات في ايديه وخدوه...
لولا الملامة كان الجمهور سقف في الآخر للآداء العالي دة!!!!!
-أنا خايفة من الراجل دة عشان تصرفاته غريبة وفيه مفتشين جم البيت عندي يسألوني عليه (الراجل جوزها) وبيخلي صحابه يكلموني يقولوا لي حاجات غريبة تضايقني.... أنا عايزة آخد عليه حكم بعدم التعرض لمدة سنة.
-دي هي اللي كلمت صحابي تقول لهم إنها عايزاني أرجع لها وبتجري ورايا وكل شوية تكلمني في التليفون...لو هي خايفة مني ماكنتش كلمتني دلوقت على باب المحكمة...وكلام البوليس دة غلط...الكلام دة ماحصلش ماحصلش!!!
القاضي: أنت ضربتها قبل كدة؟
-دة موقف حصل من خمس سنين وكنت بدافع عن نفسي...دي كانت بتضربني وكسرت لي الكمبيوتر بتاعي
القاضي: عدم تعرض لمدة سنة عشان مديت إيدك عليها قبل كدة وقد تم الاطلاع على الأدلة من قبل.
آداء الراجل هنا كان تمثيلي بحت...كان واقف على عكازات عشان يبين إنه ضعيف ومش قادر يمشي ومطول دقنه زي ما يكون عايش في الغابة ولما القاضي سمحت للست إنها تمشي الأول زعق وقال...اشمعنى هي تمشي الأول وأنا اللي بعرج!!!
-موكلتي بتطلب مد عدم التعرض لمدة سنة لما أصابها من ضرر.
-وأنا مش معترض!
القاضي: بس أنت من حقك تدافع عن نفسك وترفض...
-أصل أنا مش عايزة أوجع دماغها...اللي تقوله أنا موافق عليه...
القاضي: عدم تعرض لمدة سنة!
الراجل الأخير دة جاب من الآخر وأنجز بعد ما عرف إن الملاوعة مع القاضي مفيش منها فايدة...الحقيقة الراجل دة علي في نظري جدا لأنه ذكي ماضيعش وقته في النزاع سدى وما سبتش المحكمة غير بعد ما حييته بنفسي على الآداء العالي دة
:)
وللشرح...حكم عدم التعرض دة يبدأ بإن المتضرر يلجأ للقاضي ويقول فلان ضربني فياخد أسبوعين ضد المعتدي عليه لحد ما يخطروه وبعدها يتقابلوا في المحكمة وتنظر القاضي في الأدلة وتستجوب الطرفين وتدي 3 شهور في حالة ثبوت الإتهام...بعد ال3 شهور ييجي الطرفين وممكن الطرف المتضرر يطالب بالمد سنة أو مدى الحياه وبعد السنة يمد كمان...طول ما هو حاسس بخوف من الطرف الآخر والطرف الآخر حصل واعتدى عليه قبل كدة من حقه يمد.
محكمة الأسرة بقى هي اللي شفت فيها ما يشيب له الولدان....يدخل الراجل من دول بعد ما يفتح الباب للست اللي داخلة قدامه...واحد يقف ع اليمين والتاني ع الشمال...والقاضي تقول لهم: خلاص...اتفقتوا على كل حاجة وكل واحد فيكم قرر يشق طريقه بعيدا عن الآخر...يردوا عليها بنعم...تقول لهم: good luck !!! وخلاص كدة...تخلص الحدوتة في ثواني...جوازات دامت فوق العشرين سنة تخلص بجود لاك...وفي منتهى الهدوء....ولا حد صوت ولا حد عيط ولا أكنهم كانوا في يوم متجوزين أصلا...أما عجيبة الناس دي! الأغرب في الأمر إن المطلق لا يحق له الزواج إلا بعد 90 يوم من الحكم بالطلاق (زي العدة اللي عندنا بس للراجل والست في نفس الوقت).
في الحقيقة وجودي في المحكمة ومعايشتي لتجارب الآخرين من خلال قعدتي لحد ما ييجي دور قضيتي متعب لأعصابي جدا....ومش هكدب وأقول إني مش بعيط على قصص بعض الناس من اللي بيقفوا على المسرح قدامي...وكل يوم عندي محكمة بفضل أعيط عمال على بطال وبدون مناسبة من اللي سمعته وشفته وماقدرش آكل كمان....بس في النهاية بحمد ربنا إن فيه قضاء حاسم وسريع وإن حالي أحسن من دول ودكها ودكهم...وأهي تجربة وهتعدي...أمال يعني هكتب في البطوطة عن إيه؟!!
أسلوب التعاملات القانونية في بلاد العم سام بصراحة عجيبة....يعني مفيش أقسام بتعمل محاضر وكلام كدة...اللي يغلط يروح على المحكمة عدل....طول النهار من صباحه لمساه الناس بترفع كافة أشكال الدعاوي القضائية...ولأني بتردد كثيرا على نوعين بس من المحاكم هنا مش هقدر أتكلم غير عنهم....
محكمة الجنح....دي بتتعامل مع نماذج عجيبة من البشر بيعملوا حاجات طول النهار بتحصل في بلدنا الحبيب من غير محاكم ولا دياولو زي التهديدات...العنف الأسري....كسر إشارات المرور...حاجات كدة.....ييجي الشاب من دول يقف ع اليمين قدام القاضي والشابة على الشمال...ووراهم قاعة مكتظة بجمهور غفير كلهم سايبين حالهم ومالهم ومتابعين القصة عن كثب كأنها مسرحية شيقة....القاضي تبص للست أولا...عايزة إيه...عادة الست بتطلب عدم التعرض من الراجل لأنه سبق واستخدم العنف معاها من قبل...والراجل عادة بيرفض الطلب دة ويقعد يقول في تبريرات كتير مش عشان هو مقرر يأذيها فعلا بس عشان الحكم دة بيكون نقطة سودا في تاريخه تتسبب إنه ماحدش يشغله أو يأجر له سكن وهلم جرا...المهم عدى قدامي كام فيلم كدة قلت أشارككم بيه:
-الراجل دة جه البيت عندي الساعة 12 بالليل وخبط على الباب واستخبى وخوفني...ولولا إن كان عندي أصحابي كان ممكن ضربني زي ما كان بيضربني من قبل...أنا عايزة آخد عليه حكم بعدم التعرض لمدة سنة.
- دي هي اللي كانت دايما بتهددني إنها تنتحر لو مارجعتش ليها ومعايا رسايل كانت باعتاها من موبيلها لي..."بكرة هتسمع خبر إني خلاص ماعنتش موجودة في الحياه وأولادي عمرهم ما هيسامحوك...كفاية كل الألم اللي سببتهولي الخ الخ" أنا دلوقت متجوز وعمري ما هبص لها....
القاضي: عدم تعرض لمدة سنة عشان خلال علاقتكم حصل وإنك مديت إيدك عليها...آه وبقولك باين عندي إن عليك حكم من فترة كدة...حطوا الكلابشات في ايديه وخدوه...
لولا الملامة كان الجمهور سقف في الآخر للآداء العالي دة!!!!!
-أنا خايفة من الراجل دة عشان تصرفاته غريبة وفيه مفتشين جم البيت عندي يسألوني عليه (الراجل جوزها) وبيخلي صحابه يكلموني يقولوا لي حاجات غريبة تضايقني.... أنا عايزة آخد عليه حكم بعدم التعرض لمدة سنة.
-دي هي اللي كلمت صحابي تقول لهم إنها عايزاني أرجع لها وبتجري ورايا وكل شوية تكلمني في التليفون...لو هي خايفة مني ماكنتش كلمتني دلوقت على باب المحكمة...وكلام البوليس دة غلط...الكلام دة ماحصلش ماحصلش!!!
القاضي: أنت ضربتها قبل كدة؟
-دة موقف حصل من خمس سنين وكنت بدافع عن نفسي...دي كانت بتضربني وكسرت لي الكمبيوتر بتاعي
القاضي: عدم تعرض لمدة سنة عشان مديت إيدك عليها قبل كدة وقد تم الاطلاع على الأدلة من قبل.
آداء الراجل هنا كان تمثيلي بحت...كان واقف على عكازات عشان يبين إنه ضعيف ومش قادر يمشي ومطول دقنه زي ما يكون عايش في الغابة ولما القاضي سمحت للست إنها تمشي الأول زعق وقال...اشمعنى هي تمشي الأول وأنا اللي بعرج!!!
-موكلتي بتطلب مد عدم التعرض لمدة سنة لما أصابها من ضرر.
-وأنا مش معترض!
القاضي: بس أنت من حقك تدافع عن نفسك وترفض...
-أصل أنا مش عايزة أوجع دماغها...اللي تقوله أنا موافق عليه...
القاضي: عدم تعرض لمدة سنة!
الراجل الأخير دة جاب من الآخر وأنجز بعد ما عرف إن الملاوعة مع القاضي مفيش منها فايدة...الحقيقة الراجل دة علي في نظري جدا لأنه ذكي ماضيعش وقته في النزاع سدى وما سبتش المحكمة غير بعد ما حييته بنفسي على الآداء العالي دة
وللشرح...حكم عدم التعرض دة يبدأ بإن المتضرر يلجأ للقاضي ويقول فلان ضربني فياخد أسبوعين ضد المعتدي عليه لحد ما يخطروه وبعدها يتقابلوا في المحكمة وتنظر القاضي في الأدلة وتستجوب الطرفين وتدي 3 شهور في حالة ثبوت الإتهام...بعد ال3 شهور ييجي الطرفين وممكن الطرف المتضرر يطالب بالمد سنة أو مدى الحياه وبعد السنة يمد كمان...طول ما هو حاسس بخوف من الطرف الآخر والطرف الآخر حصل واعتدى عليه قبل كدة من حقه يمد.
محكمة الأسرة بقى هي اللي شفت فيها ما يشيب له الولدان....يدخل الراجل من دول بعد ما يفتح الباب للست اللي داخلة قدامه...واحد يقف ع اليمين والتاني ع الشمال...والقاضي تقول لهم: خلاص...اتفقتوا على كل حاجة وكل واحد فيكم قرر يشق طريقه بعيدا عن الآخر...يردوا عليها بنعم...تقول لهم: good luck !!! وخلاص كدة...تخلص الحدوتة في ثواني...جوازات دامت فوق العشرين سنة تخلص بجود لاك...وفي منتهى الهدوء....ولا حد صوت ولا حد عيط ولا أكنهم كانوا في يوم متجوزين أصلا...أما عجيبة الناس دي! الأغرب في الأمر إن المطلق لا يحق له الزواج إلا بعد 90 يوم من الحكم بالطلاق (زي العدة اللي عندنا بس للراجل والست في نفس الوقت).
في الحقيقة وجودي في المحكمة ومعايشتي لتجارب الآخرين من خلال قعدتي لحد ما ييجي دور قضيتي متعب لأعصابي جدا....ومش هكدب وأقول إني مش بعيط على قصص بعض الناس من اللي بيقفوا على المسرح قدامي...وكل يوم عندي محكمة بفضل أعيط عمال على بطال وبدون مناسبة من اللي سمعته وشفته وماقدرش آكل كمان....بس في النهاية بحمد ربنا إن فيه قضاء حاسم وسريع وإن حالي أحسن من دول ودكها ودكهم...وأهي تجربة وهتعدي...أمال يعني هكتب في البطوطة عن إيه؟!!
ليست هناك تعليقات:
إرسال تعليق